Adnoddau am Ddim

Ap Anagramau Atebol - Help gyda gwella sgiliau llythrennedd i blant 7-12 oed. Mwy o wybodaeth

Gêm a Ap hwyliog a gwahanol sydd wedi ei gynllunio ar gyfer disgyblion Cymraeg ail iaith cyfnodau allweddol 2 a 3, gyda’r bwriad o ymestyn a datblygu eu dealltwriaeth a’u defnydd o’r iaith Gymraeg drwy ddysgu am chwedlau Cymru. Mae'r gemau'n seiliedig ar 13 chwedl o 13 rhan o Gymru, o Wrachod Llanddona i Dwmbarlwm, gyda'r nod o helpu'r Dewin Myrddin i gwblhau pob cwest. Mae botwm geirfa ar gyfer pob darn o chwedl. Ar gael fel ap neu ar y cyfrifiadur. Mwy o wybodaeth

Cyfle i greu cymeriadau a storïau mewn lleoliadau gwahanol. Ap sy’n hybu sgiliau llythrennedd drwy greadigrwydd. Mwy o wybodaeth

Dwy stori ryngweithiol am Mistar Urdd sy’n cyflwyno hwyl a sbri Urdd Gobaith Cymru: Mistar Urdd yn mynd ar daith! a Mistar Urdd yn mwynhau. Mae’n cynnwys recordiad llais a fersiwn iaith arwyddion. Mwy o wybodaeth

Adnodd gwreiddiol a newydd i gyfoethogi’r llyfr Trio: Antur y Castell sydd ar restr darllen Cystadleuaeth Darllen Dros Gymru 2019-2020, cystadleuaeth llyfrau plant Cyngor Llyfrau Cymru. Mae’r adnodd yn cynnwys sgript hyrwyddo’r llyfr a disgrifiadau o’r tri phrif gymeriad.

Mwy o wybodaeth

Adnodd gwreiddiol a newydd i gyfoethogi’r llyfr Y Ferch Wyllt sydd ar restr darllen Cystadleuaeth Darllen Dros Gymru 2019-2020, cystadleuaeth llyfrau plant Cyngor Llyfrau Cymru. Mae’r adnodd yn cynnwys sgript hyrwyddo’r llyfr.

Mwy o wybodaeth

Pwrpas yr adnoddau yma yw cyflwyno’r cysyniadau sy’n gysylltiedig ag iechyd meddwl a lles i ddisgyblion ysgol. Yn anffodus, mae nifer cynyddol o blant a phobl ifanc yn genedlaethol yn cael problemau meddyliol. Mae ymchwil yn profi gwerth ymyrryd yn gynnar a datblygu gwydnwch er mwyn hyrwyddo iechyd meddyliol positif ymysg ein pobl ifanc er mwyn osgoi problemau yn ystod eu bywyd. Nod yr adnoddau yw helpu pobl ifanc i ddeall pwysigrwydd iechyd meddwl a meithrin strategaethau a sgiliau er mwyn cefnogi eu lles meddyliol a’u lles emosiynol. Mwy o wybodaeth

Thema’r wythnos: Yr Enfys

Syniadau am dasgau a gweithgareddau syml amrywiol ar y thema ‘Yr Enfys’ i’w gwneud yn y cartref neu’r ysgol gyda dysgwyr Cyfnod Allweddol 2, sef rhwng 7 a 11 oed. Gellir eu haddasu ar gyfer oedrannau eraill.

Tasgau sy’n ymateb i Feysydd Profiad a Dysgu y Cwricwlwm newydd.

Daw’r tasgau hyn o’n Pecyn Cardiau Sbardun Trawsgwricwlaidd CA2. Am fwy o wybodaeth, cliciwch yma.

Mwy o wybodaeth

Ydych chi’n chwilio am lyfr sy’n egluro’r coronafeirws mewn ffordd ddealladwy a syml i blant oedran cynradd? Dyma addasiad Cymraeg Atebol o lyfr gwybodaeth AM DDIM cwmni cyhoeddi Nosy Crow, sydd wedi ei ddarlunio gan ddarlunydd llyfrau Gruffalo, Axel Scheffler.

Dyma lyfr digidol ar gyfer plant oedran cynradd, ar gael am ddim i’w ddarllen ar y sgrin neu i’w argraffu, yn egluro beth yw’r coronafeirws a’r mesurau i’w reoli. Ysgrifennwyd y llyfr Saesneg gwreiddiol gyda mewnbwn arbenigol gan yr ymgynghorydd Yr Athro Graham Medley o Ysgol Hylendid a Meddygaeth Drofannol Llundain, dau brifathro a seicolegydd plant.

Mae’r llyfr yn ateb y cwestiynau allweddol canlynol mewn iaith syml sy’n addas ar gyfer plant rhwng 5 a 9 oed:

• Beth yw’r coronafeirws?
• Sut mae rhywun yn dal y coronafeirws?
• Beth sy’n digwydd pan fydd rhywun yn dal y coronafeirws?
• Pam mae pobl yn poeni am ddal y coronafeirws?
• A oes ffordd o wella pobl o’r coronafeirws?
• Pam mae rhai o’r llefydd rydyn ni fel arfer yn ymweld â nhw ar gau?
• Sut beth yw hi i fod gartref drwy’r amser?
• Beth alli di ei wneud i helpu?
• Beth sy’n mynd i ddigwydd nesaf?

Gellir gweld y llyfr drwy edrych ar yr e-lyfr uchod neu drwy ei lawrlwytho gan glicio ar y botwm I’r ddogfen.

Am fwy o wybodaeth am y cyhoeddiad Saesneg, gweler yma.

Mwy o wybodaeth