Addysgol

Pecyn newydd i gefnogi plant y Cyfnod Sylfaen i ddatblygu a meithrin eu sgiliau mathemategol.

Nod Datrys Problemau .… dechrau da! ydy cefnogi plant y Cyfnod Sylfaen i ddatblygu a meithrin eu sgiliau mathemategol. Dyma becyn sy’n gosod y plentyn yn y canol ac sy’n gosod pwyslais ar gynnig ramweithiau pwrpasol i’r addysgu a’r dysgu.

Mae Datrys Problemau .… dechrau da! yn hybu’r sgiliau sylfaenol a fydd hefyd yn galluogi’r plentyn i lwyddo ac ennill boddhad o’u profiad ym maes mathemateg.

Mae’r gyfrol hon wedi’i chynllunio i ymateb yn llawn i fanylion manyleb Cyfrifiadureg CBAC. Bydd y gyfrol o help i chi feistroli prif egwyddorion a chysyniadau cyfrifiadureg. Mae’r cynnwys yn rhoi sylw ar feithrin eich sgiliau meddwl yn y maes a fydd yn ei dro yn eich helpu i feithrin eich sgiliau i ddatrys problemau. Bydd hefyd o help i chi ddeall cysyniadau mathemategol a dyluniad systemau.

• Adran arbennig dan y pennawd Cyfrifiadura – y cyd-destun, a fydd yn cynnig rhai ffeithiau diddorol i chi am hanes datblygiad cyfrifiadureg a sut mae’r cysyniadau hynny’n berthnasol i’r byd ehangach

• Trafod sefyllfaoedd cyfarwydd fydd yn eich helpu i weld sut mae cyfrifiadureg yn berthnasol i fywyd pob dydd

• Canllaw defnyddiol am wahanol fathau o feddalwedd a chod, yn ogystal â chynnig help llaw ar sut y gallwch osgoi rhai o’r camgymeriadau mwyaf cyffredin. Bydd y cyfan yn eich helpu i baratoi ar gyfer yr arholiad a chael canlyniadau llwyddiannus

• Unedau 1, 2, 3 a 4 i gyd wedi’u cynnwys o fewn un gyfrol

Ydych chi’n chwilio am lyfr sy’n egluro’r coronafeirws mewn ffordd ddealladwy a syml i blant oedran cynradd? Dyma addasiad Cymraeg Atebol o lyfr gwybodaeth AM DDIM cwmni cyhoeddi Nosy Crow, sydd wedi ei ddarlunio gan ddarlunydd llyfrau Gruffalo, Axel Scheffler.

Dyma lyfr digidol ar gyfer plant oedran cynradd, ar gael am ddim i’w ddarllen ar y sgrin neu i’w argraffu, yn egluro beth yw’r coronafeirws a’r mesurau i’w reoli. Ysgrifennwyd y llyfr Saesneg gwreiddiol gyda mewnbwn arbenigol gan yr ymgynghorydd Yr Athro Graham Medley o Ysgol Hylendid a Meddygaeth Drofannol Llundain, dau brifathro a seicolegydd plant.

Mae’r llyfr yn ateb y cwestiynau allweddol canlynol mewn iaith syml sy’n addas ar gyfer plant rhwng 5 a 9 oed:

• Beth yw’r coronafeirws?
• Sut mae rhywun yn dal y coronafeirws?
• Beth sy’n digwydd pan fydd rhywun yn dal y coronafeirws?
• Pam mae pobl yn poeni am ddal y coronafeirws?
• A oes ffordd o wella pobl o’r coronafeirws?
• Pam mae rhai o’r llefydd rydyn ni fel arfer yn ymweld â nhw ar gau?
• Sut beth yw hi i fod gartref drwy’r amser?
• Beth alli di ei wneud i helpu?
• Beth sy’n mynd i ddigwydd nesaf?

Gellir gweld y llyfr drwy edrych ar yr e-lyfr uchod neu drwy ei lawrlwytho gan glicio ar y botwm I’r ddogfen.

Am fwy o wybodaeth am y cyhoeddiad Saesneg, gweler yma.

GEMAU IAITH a SGILIAU MEDDWL

Meysydd Dysgu a Phrofiad

✓ Ieithoedd, Llythrennedd a Chyfathrebu
✓ Mathemateg a Rhifedd

Siopa

✓ gwella sgiliau sylfaenol mewn llythrennedd a chyfathrebu
✓ gwella sgiliau sylfaenol mewn rhifedd o fewn cyd-destun trin arian
✓ hyrwyddo a datblygu sgiliau arsylwi a sgiliau meddwl
✓ hyrwyddo sgiliau personol a chymdeithasol
✓ addas ar gyfer plant sydd am feithrin eu sgiliau sylfaenol mewn awyrgylch anffurfiol
✓ mae hyd at bedwar tîm o ddau yn gallu chwarae’r gêm
✓ dwy lefel wahanol gydag un lefel yn cynnwys cardiau elusen a chynilo

Trio, Trio, Trio

✓ gêm sy’n helpu i feithrin a datblygu iaith gynnar
✓ addas ar gyfer plant sy’n dechrau darllen yn y Gymraeg
✓ gêm sy’n cynnig cyfle i blant ymarfer eu geiriau cyntaf yn y Gymraeg
✓ tair set o gardiau lliw petryal gyda 52 cerdyn ymhob set
✓ addas ar gyfer pedwar chwaraewr
✓ addas ar gyfer y rhai sydd â’r Gymraeg yn famiaith iddyn nhw
✓ addas ar gyfer y rhai sydd â’r Gymraeg yn ail iaith iddyn nhw
✓ pawb sydd angen help gyda darllen

Odl! Odl!

✓ gêm gardiau hwyliog i feithrin a datblygu iaith, sgiliau cyd-ddarllen a sgiliau arsylwi a chanolbwyntio.
✓ addas ar gyfer 1-4 o chwaraewyr Cymraeg iaith gyntaf neu ail-iaith.

Yn y blwch mae tri llyfryn a phob un yn ddyfais i annog ein gallu i gofio. Maen nhw’n agor drwy gyflwyno pennill cyfan. Yna, gyda phob tudalen, mae rhai o eiriau’r llinellau’n diflannu. Bydd y bylchau a’r lluniau’n anogaeth i gofio’r geiriau coll ...

Y cof. Un o’n doniau mwyaf pwerus fel pobl yw’r gallu i gofio. Fel unigolion, defnyddiwn ein cof i gyflawni ein bywyd beunyddiol. Ond mae’r cof hefyd yn creu cymdeithas. Y cof-ar-y-cyd sy’n caniatáu i ni berthyn i’n gilydd, ac mae cydgofio geiriau cerddi yn rhan bwysig o’r perthyn hwnnw. Mae Ar Gof yn gasgliad sydd â’r nod o’n cynorthwyo i gofio cofio.

3 cyfrol wedi’u pecynnu mewn bocs. Fformat: Clawr meddal

Dyma Mererid yn siarad am y cyhoeddiad ar Heno S4C!

Addasiad Cymraeg o BTEC National Sports Units 1 and 2 Revision Workbook sy’n rhoi cyfle i’r myfyrwyr ymarfer eu dealltwriaeth o’r meysydd o dan sylw.

Addasiad Cymraeg o BTEC National Sports Student Book 2 ar gyfer myfyrwyr sy’n astudio BTEC y Diploma Sylfaenol a’r Diploma Estynedig. Mae’r llyfr yn cefnogi’r myfyrwyr drwy’r holl unedau gorfodol ac ystod o’r unedau dewisol, yn eu plith: Dulliau Ymchwil ym maes Chwaraeon; Hunangyflogaeth yn y Diwydiant Chwaraeon; Rheoli Anafiadau Chwaraeon; Trefnu Digwyddiad Chwaraeon. Mae’r llawlyfr gwreiddiol wedi ei ysgrifennu gan dîm o awduron arbenigol, yn cynnwys athrawon BTEC a gweithwyr chwaraeon proffesiynol.

Addasiad Cymraeg o BTEC National Sports Student Book 1 ar gyfer myfyrwyr sy’n astudio BTEC y Dystysgrif, y Dystysgrif Estynedig, y Diploma Sylfaenol a’r Diploma Estynedig. Mae’r llyfr yn cefnogi’r myfyrwyr drwy’r holl unedau gorfodol ac ystod o’r unedau dewisol, yn eu plith: Anatomeg a Ffisioleg; Iechyd, Chwaraeon a Lles; Seicoleg Chwaraeon; Datblygiad Proffesiynol mewn Chwaraeon. Mae’r llawlyfr gwreiddiol wedi ei ysgrifennu gan dîm o awduron arbenigol, yn cynnwys athrawon BTEC a gweithwyr chwaraeon proffesiynol.

A revised new version of the WJEC/Eduqas Computer Science student book, specifically written for WJEC AS and A Level specification. This student book helps student build their knowledge and master underlying computing principles and concepts. This book develops computational thinking, programming and problem-solving skills.