Nofelau a Llyfrau Stori

Pecyn o ddau o'n teitlau mwyaf poblogaidd i blant iau gan yr awdur David Walliams.

Mae'r pecyn yn cynnwys Yr Eliffant Eithaf Digywilydd ac Yr Arth Aruthrol!

Llyfrau stori dwyieithog gyda lluniau lliwgar gan yr arlunydd enwog Tony Ross.

Cyfres o bump llyfr stori dwyieithog wedi'u cynllunio'n ofalus i hybu sgiliau llythrennedd.

Mae'r pecyn yn cynnwys: Cwtsh, Paid â Phoeni, Y Cerrig Hud, Dyma Fi, Dyma Fi! a Mili'r Mircat.

Addasiad Cymraeg gan Eurig Salisbury o 'The Lion Inside'.

Llyfr stori gynnes gyda thestun sy'n odli ac sydd hefyd â neges arbennig i'w dysgu. Y prif gymeriad yw llygoden fach sy'n ceisio ennill ei phlwyf yng nghanol yr anifeiliaid mawr! Ar ddiwedd y daith mae'n darganfod ei llais ei hun ac yn dysgu bod gan bob anifail, boed fawr neu fach, ran bwysig i'w chwarae yn y byd.

Cliciwch yma i ddarllen mwy ar brif themâu a chynnwys y llyfr, pwyntiau trafod a syniadau ar gyfer tasgau trawsgwricwlaidd!

Addasiad Cymraeg Eurig Salisbury o Ten Little Dinosaurs.

Mae deg deinosor bach yn cychwyn ar antur, ond tybed sut hwyl maen nhw'n ei gael wrth gwrdd â'r triceratops grwgnachlyd, diplodocus trwstfawr a t-rex llwglyd? Stori swnllyd gyda thestun sy'n odli a llu o bethau i'r plant chwilio amdanynt!

Addasiad dwyieithog Gruffudd Antur o 'The First Hippo on the Moon' gan David Walliams.

Stori llawn hiwmor am ddau hipo gwahanol iawn sy'n rhannu'r un freuddwyd, sef i fod yr hipo cyntaf i gyrraedd y lleuad!

Addasiad dwyieithog Gruffudd Antur o 'The Slightly Annoying Elephant' gan David Walliams.

Wedi cwblhau ffurflen 'mabwysiadu eliffant', doedd Sam ddim yn disgwyl gweld eliffant go iawn ar garreg y drws, ond wedi iddo ddod i'r tŷ, mae'n un antur anferth ar ôl y llall!

Addasiad Cymraeg gan Eurig Salisbury o 'The Koala Who Could'.

Dewch i gwrdd â Cefin y coala, sy'n hoffi pethau FEL Y MAEN NHW, heb DDIM NEWID. Ond pan mae pethau'n newid yn ddirybudd un dydd, daw Cefin i ddysgu sut i fwynhau profiadau newydd ac anhygoel. Stori ddoniol ar gyfer unrhyw un sy'n teimlo pryder wrth wynebu newid.

Cliciwch yma i ddarllen mwy ar brif themâu a chynnwys y llyfr, pwyntiau trafod a syniadau ar gyfer tasgau trawsgwricwlaidd!

Gwyliwch y stori yn dod yn fyw yn ein fideo Amser Stori isod!

Dyma gyfle i chi ddilyn hynt a helynt bywyd ar y fferm drwy gydol y flwyddyn. O dymor y gwanwyn, drwy'r haf a'r hydref i dymor y gaeaf mae'r ffermwr yn brysur wrth ei waith.

Llyfr gyda 50 fflap llawn o wybodaeth diddorol.