Nofelau a Llyfrau Stori

Addasiad Cymraeg gan Eurig Salisbury o 'The Lion Inside'.

Llyfr stori gynnes gyda thestun sy'n odli ac sydd hefyd â neges arbennig i'w dysgu. Y prif gymeriad yw llygoden fach sy'n ceisio ennill ei phlwyf yng nghanol yr anifeiliaid mawr! Ar ddiwedd y daith mae'n darganfod ei llais ei hun ac yn dysgu bod gan bob anifail, boed fawr neu fach, ran bwysig i'w chwarae yn y byd.

Cliciwch yma i ddarllen mwy ar brif themâu a chynnwys y llyfr, pwyntiau trafod a syniadau ar gyfer tasgau trawsgwricwlaidd!

Addasiad Eurig Salisbury o There's a Snake in my School gan David Walliams.

Mae Mirain y prif gymeriad yn ferch ysgol sy'n hoffi bod yn wahanol. Ar ddiwrnod 'Dewch ag anifail anwes i'r ysgol', mae hi'n penderfynnu dod ag anifail gwahanol iawn gyda hi...

Llyfr doniol gyda darluniau trawiadol gan yr enwog Tony Ross.

Gwyliwch y stori yn dod yn fyw yn ein fideo Amser Stori isod!

Addasiad Cymraeg Eurig Salisbury o Ten Little Dinosaurs.

Mae deg deinosor bach yn cychwyn ar antur, ond tybed sut hwyl maen nhw'n ei gael wrth gwrdd â'r triceratops grwgnachlyd, diplodocus trwstfawr a t-rex llwglyd? Stori swnllyd gyda thestun sy'n odli a llu o bethau i'r plant chwilio amdanynt!

Addasiad Cymraeg Manon Steffan Ros o 'The Squirrels who Squabbled.'

Stori ddoniol ar fydr ac odl am ddwy wiwer farus sy'n gorfod dysgu rhannu.

Gwyliwch y stori yn dod yn fyw yn ein fideo Amser Stori isod!

Gŵydd - Addasiad dwyieithog o 'Goose' gan Laura Wall.

Llyfr stori dwyieithog i blant ifanc gyda lluniau lliwgar a thrawiadol. Pan mae Soffi yn cyfarfod Gŵydd ar drip i'r parc, mewn byr dro mae'r ddau yn ffrindiau mynwesol. Stori hyfryd am berthynas anarferol a chynnes sy'n sôn am gyfeillgarwch.

Addasiad dwyieithog o 'Hugless Douglas' gan David Melling.

Weithiau, dim ond cwtsh mawr sy'n gwneud y tro. Mae Douglas yr arth fach frown eisiau cwtsh ... ond sut mae dod o hyd i'r cwtsh gorau yn y byd?

Addasiad dwyieithog o 'Goose on the Farm' gan Laura Wall.

Llyfr stori hyfryd i blant bach gyda delweddau lliwgar a chyfoes.Mae Soffi a Gŵydd yn mynd am drip i'r fferm... ac mewn byr amser fe ddaw yn ddiwrnod i'w gofio! Stori hyfryd am berthynas anarferol a chynnes sy'n sôn am gyfeillgarwch.

Cyfres o bump llyfr stori dwyieithog wedi'u cynllunio'n ofalus i hybu sgiliau llythrennedd.

Mae'r pecyn yn cynnwys: Cwtsh, Paid â Phoeni, Y Cerrig Hud, Dyma Fi, Dyma Fi! a Mili'r Mircat.

Cyfres o lyfrau darllen yw Dewch i Chwilio sy'n cyflwyno gwyddoniaeth i blant ifanc. Bwriad y gyfres ydy meithrin diddordeb mewn gwyddoniaeth ... a chreu awydd i ymchwilio ymhellach.

Ymunwch yn niwrnod gwaith gofalwr y sw: dewch i fwydo'r anifeiliaid, dysgu am y teigrod ac arwain ymdaith y pengwiniaid!