Nofelau a Llyfrau Stori

Mae’r llyfr hwn yn gynrychiolaeth graffig o ail gangen y Mabinogi, Branwen ferch Llŷr. Nod y llyfr yw cyflwyno plant a phobl ifanc i’r chwedl, ac i ail-ddweud y stori mewn ffordd weledol ac emosiynol i gynulleidfaoedd newydd gan ddefnyddio gwaith celf sy’n deillio o arteffactau hanesyddol go iawn.

• Testun dwyieithog
• Arlunwaith lliwgar, llachar a thrawiadol gyda chyfeiriadau cynnil at fywyd Celtaidd hynafol

Addasiad dwyieithog o You... gan Emma Dodd.

“Rwy’n dy garu di i gyd,
llygaid a thrwyn a chlustiau. Rwy’n dy garu di i gyd,
o dy ben i flaen dy fodiau.”

Mae’r awdur a’r darlunydd arobryn Emma Dodd yn mynd â ni ar daith trwy’r jyngl yn y rhandaliad hwn o’i chyfres llyfrau sotri a llun poblogaidd, lle rydyn ni’n dod o hyd i fwnci bach doniol sydd â rhywun sy’n ei garu fwy a mwy bob dydd.

• Testun dwyieithog sy’n odli
• Arlunwaith lliwgar gyda ffoil aur ar bob yn ail dudalen
• Stori wedi ei hadrodd yn syml
• Llyfr hyfryd i’w darllen ar y cyd a rhannu llawenydd bywyd

Gall y byd hwn fod yn lle dryslyd iawn weithiau, yn enwedig os wyt ti newydd gyrraedd. Tyrd i weld y blaned lle ry'n ni'n byw, er mwyn ateb rhai o'r cwestiynau sy'n berwi yn dy ben. O'r tir a'r môr i bobl ac amser, gall y llyfr hwn dy roi ar ben ffordd. Byddi di'n dod i ddeall rhai pethau ar dy ben dy hun hefyd. Ond cofia adael nodiadau ar gyfer pawb arall... Gall ein planed ni fod yn lle cymhleth iawn weithiau, ond gall fod yn syml iawn hefyd: mae llawer ohonon ni yma, felly bydd yn garedig.

Stori llawn hiwmor am arth wen sy'n byw ym Mhegwn y Gogledd ac sy'n hoff o nofio, pysgota, bwyta a chysgu.

Ond un diwrnod, mae hi'n syrthio i gysgu ac yn deffro ym mhell bell o adre. Dydy pethau erioed wedi bod cynddrwg.

Ond maen nhw ar fin mynd yn waeth ... yn waeth o lawer!

Gwyliwch y stori yn dod yn fyw yn ein fideo Amser Stori isod!

Addasiad Eurig Salisbury o Sweep gan Louise Greig.

Mae hwyliau drwg Daf bob tro'n dechrau'n fach, fach. Ond ymhen dim, maen nhw'n cyflymu nes eu bod nhw'n sgubo drwy'r dre i gyd. Stori yw hon am blentyn sy'n delio ag emosiynau mawr, a stori i godi'r galon.

Addasiad Eurig Salisbury o Hugless Douglas and the Baby Birds gan David Melling.

A fedri di gadw wy bach yn gynnes drwy roi cwtsh iddo? Daw Douglas o hyd i'r ateb wrth iddo ofalu am nyth Aderyn Dowcio.

Gwyliwch y stori yn dod yn fyw yn ein fideo Amser Stori isod!

Stori hyfryd am berthynas anarferol a chynnes am gyfeillgarwch.

Addasiad Cymraeg Manon Steffan Ros o Goose's Cake Bake gan Laura Wall.

Gwyliwch y stori yn dod yn fyw yn ein fideo Amser Stori isod!

Addasiad o Grandpa Christmas gan Michael Morpurgo (darluniau gan Jim Field).

Bob Nadolig, mae Mia a’i theulu yn darllen llythyr oddi wrth Taid. Ynddo, mae Taid yn dymuno cael byd gwell i Mia. Mae’n cofio’r hwyl gawson nhw yn yr ardd gyda’r llyffantod a’r pryfed genwair ac yn plannu hadau. Ond mae Taid yn poeni am y pethau hyn. Mae’n poeni eu bod nhw mewn perygl, ac mae eisiau help Mia i ofalu amdanyn nhw.

Addasiad o Hugless Douglas Plays Hide and Seek gan David Melling.

Mae Douglas a’i ffrindiau yn chwarae eu hoff gem – cuddio! Beth sy’n digwydd pan fydd rhywun yn mynd ar goll wrth chwarae cuddio?