Llyfrau

Llyfryn sy'n esbonio'r cyflwr dementia, ar gyfer pobl ag anableddau dysgu. Y llyfr cyntaf erioed yn y Gymraeg sy'n esbonio'r cyflwr Dementia i bobl sydd ag anableddau dysgu. Addasiad naturiol a chlir gan addasydd profiadol. Mwy o wybodaeth

Mae Osian yn meddwl y byd o Mam-gu, ac mae'r ddau yn cael llawer o hwyl gyda'i gilydd. Ond pan mae Mam-gu'n dechrau cael trafferth i ofalu amdani ei hun, mae hi'n gorfod symud i fyw mewn cartref arbennig. Y llyfr stori cyntaf erioed yn y Gymraeg i drafod y cyflwr Dementia o safbwynt plentyn ifanc.

Cliciwch yma i ddarllen mwy ar brif themâu a chynnwys y llyfr, pwyntiau trafod a syniadau ar gyfer tasgau trawsgwricwlaidd!

Mwy o wybodaeth

Un o lyfrau'r gyfres Ar Bigau ar gyfer arddegwyr a darllenwyr anfoddog. Mae bachgen a'i nain sy'n dioddef o glefyd Alzheimer's yn dianc i Iwerddon. Addasiad o Chocolate Moon. Mwy o wybodaeth

Addasiad celfydd o lyfr sy'n crisialu'r rhwystredigaeth a'r heriau a wynebir gan unigolion sydd â dementia, eu teuluoedd a staff gofal. Llyfr y gall plant ei ddarllen a'i ddeall, sy'n dangos sut y gall dementia effeithio ar bob un ohonom, a pha mor bwysig yw dangos empathi. Mae'n cynnwys delweddau trawiadol a phytiau sy'n gymysgedd o'r digrif a'r dwys. Mwy o wybodaeth

Addasiad Cymraeg o Living Life to the Full gan Dr Chris Williams.

Ydych chi am deimlo’n hapusach, dod o hyd i amser i chi a goresgyn problemau? Mae Byw Bywyd i’r Eitha’ yn dysgu strategaethau lles pwerus i chi yn seiliedig ar y dull Therapi Ymddygiad Gwybyddol y gellir ymddiried ynddo. Ei nod yw eich helpu chi i ddarganfod pam rydych chi’n teimlo fel rydych chi’n ei wneud, ac yna gwneud newidiadau mewn ffyrdd cam wrth gam wedi’u cynllunio.

Wedi’i ysgrifennu gan yr awdur arobryn yr Athro Chris Williams, Athro Emeritws Seiciatreg Seicogymdeithasol ym Mhrifysgol Glasgow a Llywydd y sefydliad arweiniol ar gyfer Therapi Ymddygiad Gwybyddol yn y DU (BABCP), mae’r llyfr hwn wedi helpu cannoedd o filoedd o bobl ledled y DU , yn ogystal ag mewn rhaglenni mawr yn yr Undeb Ewropeaidd, Gogledd America ac Asia.

Mwy o wybodaeth

Addasiad Cymraeg o The Compassionate Mind Approach to Postnatal Depression gan Michelle Cree. Gall cael babi fod yn gyfnod o lawenydd ond hefyd yn destun pryder a hyd yn oed iselder i famau newydd. Mae’n gyffredin iawn i famau newydd brofi cyfnod byr o bryder yn dilyn genedigaeth ac i fwy nag 1 o bob 10 menyw, gall y profiad ofidus hwn fod yn fwy hirfaith. Bydd y llyfr hunangymorth ymarferol hwn sy’n seiliedig ar Therapi sy’n Canolbwyntio ar Dosturi yn eich helpu i adnabod rhai o’r symptomau a, lle bo hynny’n briodol, eu normaleiddio, a thrwy hynny leddfu eu gofid. Bydd hefyd yn tywys mamau i fod, a mamau newydd trwy’r ddrysfa o deimladau dryslyd a all godi.

Mwy o wybodaeth

Addasiad Cymraeg o A Mindfulness Guide for the Frazzled gan Ruby Wax. Bum can mlynedd yn ôl, doedd neb yn marw o straen: ni wnaeth ddyfeisio’r cysyniad hwn, ac rydyn ni bellach yn gadael iddo’n rheoli ni. Mae Ruby Wax yn dangos i ni sut i lacio’n gafael er ein lles ein hunain, drwy wneud newidiadau syml sy’n rhoi cyfle i ni anadlu, myfyrio a byw yn y funud. Gadewch i Ruby eich tywys at y chi iachach a hapusach. Yr unig beth sydd gennych i’w golli yw’ch straen...

Mwy o wybodaeth

Addasiad o A Pocket Guide to Understanding Alzheimer's Disease and other Dementias gan Dr James Warner a Dr Nori Graham. Mwy o wybodaeth

Addasiad Cymraeg gan Eiddwen Jones o Hearing the Person with Dementia gan Bernie McCarthy. Llyfr ar gyfer teuluoedd a gofalwyr sy'n egluro beth sy'n digwydd i gyfathrebu wrth i ddementia waethygu, sut mae hyn yn effeithio ar gof, iaith a synhwyrau person a sut bydd angen i ofalwyr addasu eu dull gofalu o'r herwydd. Mae byd dementia yn fyd dryslyd a brawychus ar adegau, i’r person sy’n byw yn y byd hwnnw ac i’r rhai o’u hamgylch. Wrth fynd i mewn i fyd person arall, gall eich gofal a’ch gallu i gyfathrebu â nhw wneud eu profiad yn fwy pleserus, yn heddychlon ac yn urddasol, a chynnal eu personoliad wrth i chi gyd-deithio â nhw drwy eu dementia. Llyfr ar gyfer teuluoedd a gofalwyr sy’n egluro beth sy’n digwydd i gyfathrebu wrth i ddementia waethygu, sut mae hyn yn effeithio ar gof, iaith a synhwyrau person a sut bydd angen i ofalwyr addasu eu dull gofalu o’r herwydd. Mwy o wybodaeth