Llyfrau

Mae cyfres Chwedlau’r Copa Coch yn parhau, ac ar ôl trechu bwystfil hunllefus yn Yr Horwth, mae arwyr y Copa Coch bellach yn wynebu perygl llawer mwy. Y melltith yn y mynydd... Mae blwyddyn wedi pasio. Wrth i Sara, Pietro, Heti a Nad wneud eu gorau i ymgartrefu ar lethrau'r Copa Coch, mae'r ysbrydion maleisus sy'n llechu yng nghrombil y mynydd yn dianc o'u cartref tywyll a bygwth y pentref newydd. Dim ond un peth sydd i'w wneud: mentro i'r crombil mewn ymgais orffwyll i ddifa’r ysbrydion, unwaith ac am byth. Yn fuan iawn mae’r criw yn cael eu gwahanu – Pietro yn cael ei feddiannu gan ysbryd milwr o’r gorffennol pell; Sara a Nad yn cychwyn ar daith i’w achub drwy’r ddinas danddaearol o dan y mynydd; a Heti, yn ei thro, yn dilyn yn eu holion traed hwythau, yng nghwmni cantores o wlad bell... a’r allwedd i ddatgloi cyfrinachau'r mynydd. A thra bod ei gyfeillion yn gwneud eu gorau i’w achub, mae Pietro yn ailfyw brwydr dyngedfennol gafodd ei hymladd ar y mynydd fil a hanner o flynyddoedd yn ôl, yn cyfarfod arwyr a dihirod wedi hen farw, ac yn dod i ddysgu bod y Copa Coch yn llawer pwysicach nac oedd neb wedi ei sylweddoli... • Nofel ffantasi i bobl ifanc • Parhau â'r stori epig a llawn hiwmor gafodd ei chychwyn yn Yr Horwth • Perffaith i'r rheiny sy’n hoff o antur, brwydrau, ysbrydion, perygl, a chrancod mawr bwystfilaidd. Mwy o wybodaeth

Geography placemat materials aimed at Key Stage 4 learners to support generic enquiry/research and fieldwork skills in Geography. Designed to cover the most frequently developed topic areas in GCSE Geography. The materials are designed for collaborative and group work.

www.gcsegeography.cymru

Geographical Association Publishers' Award 2018 - Silver Category Award Winner

Mwy o wybodaeth

Yn y blwch mae tri llyfryn a phob un yn ddyfais i annog ein gallu i gofio. Maen nhw’n agor drwy gyflwyno pennill cyfan. Yna, gyda phob tudalen, mae rhai o eiriau’r llinellau’n diflannu. Bydd y bylchau a’r lluniau’n anogaeth i gofio’r geiriau coll ...

Y cof. Un o’n doniau mwyaf pwerus fel pobl yw’r gallu i gofio. Fel unigolion, defnyddiwn ein cof i gyflawni ein bywyd beunyddiol. Ond mae’r cof hefyd yn creu cymdeithas. Y cof-ar-y-cyd sy’n caniatáu i ni berthyn i’n gilydd, ac mae cydgofio geiriau cerddi yn rhan bwysig o’r perthyn hwnnw. Mae Ar Gof yn gasgliad sydd â’r nod o’n cynorthwyo i gofio cofio.

3 cyfrol wedi’u pecynnu mewn bocs. Fformat: Clawr meddal

Dyma Mererid yn siarad am y cyhoeddiad ar Heno S4C!



Cliciwch YMA i ddarllen adolygiad y gyfrol gan Sôn am Lyfra!

Mwy o wybodaeth

Ysbrydolwyd y ddrama gan awydd Aled i archwilio ein mythau ni fel cenedl:
Y Mabinogi.

Beth sy’n digwydd pan fo myth yn torri lawr a chwalu?

A ddaw myth newydd i gymryd ei le?

Oes rhywbeth ynddynt o hyd sy’n werthfawr a all gyfoethogi ein bywydau?

Drama ddifyr, ddeifiol a chignoeth am golli ffydd ac am bosibilrwydd y tynerwch dynol all oroesi.

Mwy o wybodaeth

Addasiad Cymraeg o werslyfr defnyddiol sy'n ymdrin â phrif themâu cymdeithasol, economaidd a gwleidyddol hanes Ewrop rhwng 1890 a 1990, yn cynnwys dadansoddiad o darddiad y Rhyfel Byd Cyntaf, Chwyldro Rwsia a chwymp Comiwnyddiaeth, ynghyd â chwestiynau strwythuredig. Mwy o wybodaeth