Llyfrau

Argraffiad newydd Atebol yn 2020 o gyfrol enwog Saunders Lewis, Siwan a Cherddi Eraill, a cyhoeddwyd yn flaenorol gan Wasg Dinefwr. Mae’r gyfrol yn cynnwys y ddrama fydryddol Siwan (1954), sy’n portreadu perthynas Siwan â Llywelyn Fawr, a’i charwriaeth gyda Gwilym Brewys. Ceir hefyd rhai o gerddi prin y bardd a’r dramodydd. Mae’r ddrama Siwan ar faes llafur TAG UG Cymraeg (Iaith Gyntaf) CBAC (Uned 1 Y Ffilm a’r Ddrama a Llafaredd).

Mwy o wybodaeth

Mae Huw a Bet yn briod ers 40 mlynedd a Gareth, eu hunig fab, ar fin priodi Cerys. Mae trefniadau i'w cadarnhau. Mae Huw'n benderfynol o chwarae ei ran ond gyda'i gof yn araf ddadfeilio mae perygl i gyfrinachau hen a newydd gael eu datgelu. Cynhyrchwyd y ddrama hon am y tro cyntaf gan Theatr Bara Caws, Hydref 2018. Mwy o wybodaeth

Two plays by the acclaimed playwright Siôn Eirian inspired by Blodeuwedd and Siwan by the renowned Welsh language dramatist, Saunders Lewis.

Mwy o wybodaeth

Drama bwerus am effaith rhyfel.

Mae'n ddiwedd 2014, yn dilyn ymadawiad terfynol byddinoedd Ei Mawrhydi o dalaith Helmand, Afghanistan. Daw tri cyn-filwr at ei gilydd i hel atgofion, ond o dipyn i beth fe ddaw hi'n amlwg na fydd pethau byth yr un fath eto.

Mwy o wybodaeth

Drama ddirdynnol gan Dewi Wyn Williams am dad a mab yn cyfarfod am y tro cyntaf mewn 30 mlynedd. Nid yw'n gyfarfyddiad hawdd ... na chwbl bleserus. Mae cyfrinachau wedi eu claddu'n ddwfn a gwirioneddau anghyfforddus yn cuddio yng nghilfachau'r cof. Wrth i gymylau duon eu gorffennol gilio'n raddol, cawn olwg ar un o gwestiynau mawr y ddynoliaeth, sef ai magwraeth neu gynefin sydd wrth wraidd cymeriad dyn.

Mwy o wybodaeth

Dyma ddrama afaelgar am sefyllfa ddirdynnol tri ffrind 16 oed sy'n ceisio dygymod a'u bywydau gwahanol.

Dyw Elin ddim yn ffitio i mewn. Mae hi'n wahanol i'w mam a'i thad parchus, dosbarth canol; mae hi'n wahanol i Rhys, ei ffrind cydwybodol. Ond gyda Wes, mae pethau'n wahanol. 

Fersiwn Saesneg hefyd ar gael.

Mwy o wybodaeth

Drama am dri chymeriad 16 oed. Mae Els yn cael pob gofal a chariad gan ei rhieni, ond mae'n ysu am ryddid a bywyd mwy cynhyrfus. Mae Wes yn bwy bywyd annibynnol, heb na gofal na chariad gan ei rieni. Ar ôl i Els a Wes ddisgyn mewn cariad, mae bywydau'r ddau yn newid yn gyflym iawn. Mwy o wybodaeth

Creisis personol, creisis gwleidyddol, erbyn yfory bydd y byd wedi newid...

Ym myd gwleidyddiaeth gall argyfwng annisgwyl fod yn gyfle i drio rhywbeth gwahanol na ellid ei ystyried dan amgylchiadau arferol, ac yn dilyn lecsiwn 2016 mae'n greisis yn y Cynulliad. Drama a berfformiwyd gan Gwmni Theatr Bara Caws yng Ngwanwyn 2017.

Mwy o wybodaeth

Cyfieithiad gan Emyr Edwards o ddrama Tennessee Williams, The Rose Tattoo. Drama sy'n addas ar gyfer ysgolion, colegau a chwmnïau drama.

Er bod Rhith y Rhosyn yn cael ei hystyried yn gomedi, eto i gyd mae ynddi elfennau o drasiedi bywyd. Mae'n cydnabod pwer dinistriol unigrwydd ar modd y bydd pobl yn dianc rhag ymosodiadau'r bywyd cymdeithasol sydd o'u cwmpas, a'r un pryd yn cynnig ymsuddo mewn rhywioldeb fel ateb iw problemau personol.

Mwy o wybodaeth