Llyfrau

Addasiad o Still Alice gan Lisa Genova. Pum deg mlwydd oed yw Alys pan mae'n cael ei thynnu i bwll diwaelod clefyd Alzheimer. Mae'n athro prifysgol, gwraig, mam i dri o blant, gyda llyfrau i'w hysgrifennu, llefydd i'w gweld, wyrion i'w cyfarfod. Ond pan mae'n anghofio sut i wneud ei phwdin 'Dolig, pan mae'n mynd ar goll yn ei iard gefn, pan mae'n methu adnabod ei merch sy'n actores ar ôl perfformiad clodwiw, mae'n dyfeisio cynllun. Ydy hi'n ei gyflawni? A ddylai hi ei gyflawni? Colli ei doeau, byw ar gyfer pob dydd, a'i chof tymor byr yn hongian ar linyn brau. Ond yr un hen Alys yw hi o hyd. Mwy o wybodaeth

Addasiad o A Pocket Guide to Understanding Alzheimer's Disease and other Dementias gan Dr James Warner a Dr Nori Graham. Mwy o wybodaeth

Llyfr gwreiddiol i ddysgwyr ar lefel Mynediad 1. Rhan o’r gyfres Amdani. Dyma stori newydd sbon yn dilyn Elsa Bowen y ditectif preifat. Bydd y llyfr hwn lefel yn is na’r gyfrol cyntaf yn y gyfres (Gangsters yn y Glaw). Yn ddelfrydol ar gyfer dechreuwyr newydd sydd wedi dysgu 8 Uned.

Mwy o wybodaeth

Addasiad Cymraeg o Student Guide WJEC/EDUQAS Business – Business in a changing world ar gyfer myfyrwyr TAG Uwch Blwyddyn 2. Mae’r gyfrol wreiddiol yn Saesneg wedi ei hysgrifennu gan yr athrawon profiadol Mark Hage a Tracey Bell, ac wedi ei gyhoeddi gan wasg Hodder Education. Mae’r gyfrol yn cynnwys crynodebau clir ar y testunau gosod, gyda chwestiynau ac atebion enghreifftiol i wella techneg y myfyriwr yn yr arholiad.

Mwy o wybodaeth

Yn y blwch mae tri llyfryn a phob un yn ddyfais i annog ein gallu i gofio. Maen nhw’n agor drwy gyflwyno pennill cyfan. Yna, gyda phob tudalen, mae rhai o eiriau’r llinellau’n diflannu. Bydd y bylchau a’r lluniau’n anogaeth i gofio’r geiriau coll ...

Y cof. Un o’n doniau mwyaf pwerus fel pobl yw’r gallu i gofio. Fel unigolion, defnyddiwn ein cof i gyflawni ein bywyd beunyddiol. Ond mae’r cof hefyd yn creu cymdeithas. Y cof-ar-y-cyd sy’n caniatáu i ni berthyn i’n gilydd, ac mae cydgofio geiriau cerddi yn rhan bwysig o’r perthyn hwnnw. Mae Ar Gof yn gasgliad sydd â’r nod o’n cynorthwyo i gofio cofio.

3 cyfrol wedi’u pecynnu mewn bocs. Fformat: Clawr meddal

Dyma Mererid yn siarad am y cyhoeddiad ar Heno S4C!



Cliciwch YMA i ddarllen adolygiad y gyfrol gan Sôn am Lyfra!

Mwy o wybodaeth

Mae’r gyfrol hon wedi’i chynllunio i ymateb yn llawn i fanylion manyleb Cyfrifiadureg CBAC. Bydd y gyfrol o help i chi feistroli prif egwyddorion a chysyniadau cyfrifiadureg. Mae’r cynnwys yn rhoi sylw ar feithrin eich sgiliau meddwl yn y maes a fydd yn ei dro yn eich helpu i feithrin eich sgiliau i ddatrys problemau. Bydd hefyd o help i chi ddeall cysyniadau mathemategol a dyluniad systemau.

• Adran arbennig dan y pennawd Cyfrifiadura – y cyd-destun, a fydd yn cynnig rhai ffeithiau diddorol i chi am hanes datblygiad cyfrifiadureg a sut mae’r cysyniadau hynny’n berthnasol i’r byd ehangach

• Trafod sefyllfaoedd cyfarwydd fydd yn eich helpu i weld sut mae cyfrifiadureg yn berthnasol i fywyd pob dydd

• Canllaw defnyddiol am wahanol fathau o feddalwedd a chod, yn ogystal â chynnig help llaw ar sut y gallwch osgoi rhai o’r camgymeriadau mwyaf cyffredin. Bydd y cyfan yn eich helpu i baratoi ar gyfer yr arholiad a chael canlyniadau llwyddiannus

• Unedau 1, 2, 3 a 4 i gyd wedi’u cynnwys o fewn un gyfrol

Mwy o wybodaeth

Addasiad o Dementia Positive gan John Killick. Yn y llyfr twymgalon ac ysgogol hwn, mae John Killick yn herio'r tybiaethau hyn. Mae'n dangos sut y gallwn helpu a gwella bywyd y personau â dementia. Llawlyfr hanfodol i unrhyw un sy’n byw gyda diagnosis o ddementia, yn ogystal ag i bobl broffesiynol ynghlwm â gofal dementia a pherthnasau sy’n chwilio am wybodaeth am y cyflwr. Mae dementia yn gyflwr dirgel. Mae’n dychryn llawer ohonom. Teimlwn yn ddiymadferth pan ddown wyneb yn wyneb ag ef. Nid oes raid i bethau fod fel hyn. Mwy o wybodaeth

Gwerslyfr addas ar gyfer astudio cwrs Economeg Safon Uwch yn ogystal ag Astudiaethau Busnes Uwch Gyfrannol a Safon Uwch a chyrsiau proffesiynol cysylltiol.

Mae'r gyfrol hylaw hon wedi'i rhannu'n unedau hwylus gyda phob uned yn rhoi sylw penodol i bwnc neu faes arbennig.

Mwy o wybodaeth

Addasiad Cymraeg o Living Life to the Full gan Dr Chris Williams.

Ydych chi am deimlo’n hapusach, dod o hyd i amser i chi a goresgyn problemau? Mae Byw Bywyd i’r Eitha’ yn dysgu strategaethau lles pwerus i chi yn seiliedig ar y dull Therapi Ymddygiad Gwybyddol y gellir ymddiried ynddo. Ei nod yw eich helpu chi i ddarganfod pam rydych chi’n teimlo fel rydych chi’n ei wneud, ac yna gwneud newidiadau mewn ffyrdd cam wrth gam wedi’u cynllunio.

Wedi’i ysgrifennu gan yr awdur arobryn yr Athro Chris Williams, Athro Emeritws Seiciatreg Seicogymdeithasol ym Mhrifysgol Glasgow a Llywydd y sefydliad arweiniol ar gyfer Therapi Ymddygiad Gwybyddol yn y DU (BABCP), mae’r llyfr hwn wedi helpu cannoedd o filoedd o bobl ledled y DU , yn ogystal ag mewn rhaglenni mawr yn yr Undeb Ewropeaidd, Gogledd America ac Asia.

Mwy o wybodaeth